Autor: Palo Bocek
Založeno: 06.02.2008, 16:09
Trucina.
Asi tak przed cztyrzmi rokami, žech naszel, hned kónsek za swojim plotym, na kraju Brónkowej lónki w krzokach, 5 krajiców pomaszczónego chleba posypanych jakimiszi granulami.Hned mje napadlo, že to je nagotowano trucina na moje kury. Tak žech tóm nawnade przikryl starym kiblym a poszelech žech do chalpy porozmyślać, co z tym bedym robil dali. Mjolech žech przeca kupa kur, kiere dobrze nosily a tak wajca od nich jodaly i moje dziecka. Mjolech tež aji strach, že takich nawnadów móglo być nagotowanych aji we snozie wjyncej, kjere už moje kury zežraly.
Tak žech szel ku wjeczoru za Brónkym a mówim mu: Brónek, tyś je w zastupitelstwi naszej dziedziny, tak sie pój podziwać co to tam na tym twojim pozemku je. Brónek z poczóntku iść moc niechciol, ale nakóniec zebrol baterke a szel zymnóm. Tóm nawnade pozoglóndol a powjedziol mi: že un to tam niedol, tak, že go to wubec niezajimo a to i przesto, že to je na jego pozemku. Dokónca aji odmitnyl tómto trucine pozbjyrać a powjedziol mi, že to nima žodno trucina, ale swaczyna od dziecek, kierym isto wypadla, jak szly do szkoly. A že ón wczora sypol lónke sanetróm, tak že je možne, že mu aji na tóm swaczyne pore granuli pyrsklo. Jo mu zaś mówil: Brónek, ty už mož na lónce wjelkóm trowe przed koszynim, tak nima možne, žebyś tak wielkóm trowe teraz sypol sanetróm. A nawjyncej žech sie dziwol, že nigdzi dookola nima ani jednej podobnej granuli, jyny tu na tym chlebje je jích wjyncej niž 3 gorśći. A žodne dzecka, že tu teryndy przeca do szkoly tež niechodzóm. Ón mi odpowjedziol: že sanetróm se može sypać kiedy ón chce, a že prawje tymu, že už je wjelko trowa, tak sie mi žodne dalszi granule nimóglo podarzić nónść. A potym dość uražóny odeszel do swoji chalpy.
Rano žech sie szel podziwać a trućina (swaczyna) tam fórt byla. Tak žech zebrol telefón a zawololech policajtów, aby sie prziszli na tóm "dzieckóm swaczyne" podziwać. Policajci przijechali, "swaczyne" pozoglóndali a powjedzieli mi, abych jóm wachowol, že óni se zajadóm po gumowe rynkawice a dalszi wercajg. Jo w mjyndzy czasie se zebrol do starej igelitki jedyn kónsek tego pomaszczónego chleba a asi tak jednóm gorść tych granuli a schowol to do kapsy. Za chwile policajci przijechali z posilami a fotoaparatym a tóm "swaczyne" ze wszystkich strón pofocili. Potym se nawlykli gumowe rynkawice a tyn chlyb i wszystki granule do jednej wyzbjyrali. Jak odjyždzali, tak mi powjedzieli, že mi co nejrychleji dajóm wjedzieć, co to wlastnie bylo. A wajca od tých swojich kur, až raczi niejym.
Jo jak prziszel do chalpy, tak žech tyn wzorek tej "swaczyny" w igelitce dol podpowól do sztelarza w piwnicy. Drugi dziyń sie dziwóm, že mój bjoly kocur jaksi dziwnie plyncie nogami. Dziwóm sie, a tyn wzorek tej "swaczyny" byl zežrany. Ku wjwczoru už tyn mój bjoly kocurek boroczek zacznyl aji strasznie szkarednie mrauczeć a tak mrauczou calóm noc až do rana. Praktycki žech sie wubec niewyspol. Rano žech szel sie zopytać na policajtów, jeszli už wjwdzóm co to byla za trucina. Óni mi powjedzieli, že o niczym niewjwdzóm a že na Gródku žodnóm trucine niezbjyrali ani niefocili. Jak žech chciol, aby mi to co mówjóm dali pisemnie, tak mi powjedzieli, že nic pisemnie niedostanym, a abych se szel raczi pumalućku a po krajiczku spatki do chalpy a nierobil žodne gipi plotki po dziedzinie. Dokóńca jedyn z nich jechol z autym za mnóm až na Gródek (jo jechol na kole) a co chwila przi mje zastawil a fórt mi opakowol, že nigdzi žodno trucina niebyla a že sie mi to jyny wszystko zdo.
Przijecholech do chalpy a tyn mój kocurek fórt coroz wjyncej žalośnie mrauczol. Tak žech szel zaś do Brónka a mówim mu: Brónek, ty to isto chcesz wszystko ututlać, bo mož w rodzinie znómego policajt, že. Brónek sie zrobil gupi a odpowjedziol mi: Palo, ciebje sie zaś isto cosi zdo. Dyć tu przeca nikdy žodni policajcí niebyli a jo žech tež žodnóm swaczyne ani trućine nikdy na swojim pozemku niewidziol. A pokjyl tyn twój kocur je jakisi bjydny, tak to isto jyny tymu, že mu niedowosz porzóndnie žrać a un borok potym chlado po snozach rozmajte zdechliny na zežrani. Po tychto jego slowach žech sie musiol strsznie dźyržeć, abych niebyl pjyrszy, gdo zabije služebnie nejstarszego zastupitela w Gródku. A tak žech Brónkowi powjedziol jyny tela co mje w tej chwili napadlo: Brónku, jak ty mi niedosz do 24 godzin pisemnie, coś na wlasne oczi widziol na tym swojim pozemku, tak ci otrujym krowe, kieróm ty pasujesz na lónce. A to nakóniec zabralo!
Ale jeszcze przed tym niž to zabralo, tak žech zebrol tego swojigo kocura dol go do papjyrowej krabice a zaszel žech z nim do weterynarza Janka Bojka. Tyn mi powjedziol, že kocurek je isto fest prziotruty, a že by go bylo nejlepi utracić. Inekcyj za utracyni, že stoji przes 100 korón. Tak žech w tej zlości tego kocura zebrol zpadki a zniós žech go na nasz obecni urzad. Tam žech jim dwjyma slowami powjedziol o co sie jedno a položylech tóm krabice z tym mojim kocurym w kancnaryji do kónta. Aby se tež tego przeokropnie žalostnego mrauczynio užyli. Jyny cožech doszel do chalpy, tak už zamnóm przijechol mistostarosta Robert Borski, a tego kocura mi prziwjóz spatki. Že pry na obecnim urzadzie majóm jakómsi wjelkóm komise z Frydku, a to žalostne mjalczyni už tam žodyn z nich nimože poslóchać. Pytol mje, abych hónym z tym kocurym cosi zrobil, že už to mrauczyni nimože poslóchać ani ón. Nakóniec mi bylo pana Roberta pumalu jeszcze wjyncej žol, niž tego mojigo bjydnego kocurka. Tak žech sie niechol nim przemówić, siedbylech ku jymu do auta a jechali my dać tego kocurka utracić. Nakóniec žech aji Jankowi Bojkowi tóm smrtici inekcyje zaplacil.
Dalszi dziyń rano, Brónek se isto tak strasznie bol o tóm swojóm krowe, že mi prziniós pisemne potwjerdzyni, že widziol na swojim pozemku podejrzanóm nawnade. Jo hned zebrol toto jego potwjerdzyni a zaszel žech z nim na policajtów. Policajci w Nowśu mi tež dali pisemne wyrozumjyni, že skutecznie w Gródku byli a podejrznóm nawnade pozbjyrali. Ale že szlo jyny skutecznie o swaczyne od dziecek, kieróm Brónek Walek kapke posypol sanetróm. A tymu, že z tego niebedóm robić žodne dalszi zawjery. A jo jak z tym niebedym souhlasil, tak, že sie omnie postarajóm inakszym zpusobym.
A tak se ci policajci klidnie dali policajtujóm a Brónek Walek se tež dali celkem klidnie poslancuje. Jyny jo od tej doby Brónkowi už newjwrzim ani jedno slowo. Dzisio žech je przeswjedczóny o tym, že Brónek tam wtedy tóm trucine nienagotowol, ale snažyl sie robić wszystko možne pro to, aby zymnie zrobil gupigo a aby kryl czlowjeka, kjery tam tóm trucine skutecznie dol. A to sie mu aji dość celkem podarzilo. Je žech jyny zwjedawy, jeśli beje mjol odwage znowu kandydować do naszego zastupitelstwi.
Palo
Odpovědět na příspěvek
|