Autor: R. Raszka
Založeno: 23.05.2009, 15:29
Stawiani moja
Stawiani moja, jak wszyscy naisto wiedzóm, je stary zwyczaj. Kiejsi go stawiali syncy dzieuchóm. Inicjator postawianio moja był synek, kiery uż chodził na zolyty za jaksióm, czyli jeji galan, abo tyn, kierymu sie jakosi szwarno dzieucha moc podobała, bo miała piekne czyrwóne lica. Był do wielki honor do dzieuchi, kierej przez noc urós na zogrodzie moj. Jasno wiec, że moja było trzeba potym wachować, aby go gdo nie zetnył. Wiynkszościóm go ścinali syncy, kierym sie ta dzieucha też podobała, abo jacysi złosliwi ludzie, tacy chacharzi, co sami postawić nie umieli, ale zbulać to ja, to sie wszywokóm chciało.
Uż downo tymu sie moje stawiały aj w centrach dziedzin a miast, przed ratuszym (radnice), abo pred gospodóm, czy też pred budynkym fajermanów. Taki moj był postawiany do wszystkich dzieuch w dziedzinie.
Tym chcym powiedzieć, że bych pochopił gdyby tego moja zbuloł jakisi żarliwy chłop, bo by moj stoł na zogrodzie jego miłej, ale zbulać moja, kiery je ozdoba całej dziedziny, to je ganc inszo wiec a takimu snoplowi co to zrobił, by trzejało dać facke z lewej aj z prawaj stóny jego próznej czepónie, bo taki idiot w głowie aj tak nic nimo. Też by szło pochopić gdyby to był gdosi z inszej dziedziny, ale niestety to był gródczan. Też bych pochopił gdyby mioł un na zogrodzie postawianego maja, aby jak zbulo tego przi gminie, tak Gródek zdobił tyn jego moj.
i tela
Odpovědět na příspěvek
|