|
Autor: Jurek Kluz 
Založeno: 16.02.2009, 17:16
Odpovědí: 1
Nie zasypało cie? Kołe twoji chałupy taki zomjynta jak cyp. To žeś wychyboł sóm? Nělza chodzić, wszyscy dóma siedzóm a ty nic nie piszesz. Jo zacznył a tyś skóńczył. Isto žeś je tež dojynty jako mistostarosta z twojigo taty. Ale fajnie to napisoł, co prawisz?
Jo jak czytóm ty twoje a Juzkowe (Kudelowe) przispiewki, tóž sie myślym, že byście społym mieli załožyć strane, kiero tu zatoczy z tym zastupitelstwym. Mógła by sie nazywać SNOH albo PNOG. Strana nespokojeného občana Hrádku. Juzkowi by sie naisto polepszyło, nie wjym czy nima bez roboty bo chodzi po Gródku zaboczóny jak cyp. Łón je isto zaboczóny aj przi drobnej robocie, no ni?
Wykaszli sie na staroste a powjyc mi, napisoł žeś tyn dopis tymu starostowi o tym odstoupeniu abo ni. Bo my sóm w gospodzie U Mimy napjynci jak trenki w lecie. Už my sie aj wsadzili, kdo mo prowde. Muszym ci powjedzieć žech na ciebie wsadził, bo cie znóm jakiś je poctiwy, no kromě tego škraloupu z kradzynim we Werku. Ale to były swazacki gupi roki, no ni? Čeče, ale mosz mizerny kurz, tak nie wjym czy wygrajym.
Inaczyj my sie w tej gospodzie nie downo prawili, že by urzónd na Gródku mioł wjyncyj stawjać. Za cały rok jyny trzi byty. Jo tež potrzebujym nowy byt, bo tyn mój juž łodchodzi. Juž siedym roków mowjym, že trzeja wymalować, ale jak sie nie chce to sie nie chce. Isto podóm žadost na byt, jyny to by musieli postawić jeszce jedyn. Ale miało by to być kajśi blizko do nalywarny u Mimy. To ci tam je dobro sklepospoda. Nakupisz aj wypijesz pod jednóm strzechóm. Majóm ci tam w baňoczku fajny žukowski rum za 8 korón póła. Gupie sie mi potym pore godzin byrko, ale to nic. Jyny szkoda, že tam nie lejóm aj byndzin, bo bych napojił aj tego mojigo kozigo decha, kiery teraz w zimie łodpoczywo we stodole. Ty Palo, zaś gdosi złómoł deske przez potóczek u Peťana. Nie idzie sie dostać przez glajzy do Burka. Kdo to mo fórt łobchodzać. Muszym starostowi powjedzieć, až sie staro, až przido lampe verzejnego oswjetleni, bo jak idym a móm w kapke w kuli, szpatnie widzym a mostek czynsto minym. Bo łod tego tu starosta je, no ni?
 Odpovědět na příspěvek
|
Seznam témat
Parčík před úřadem
Centrum Hrádku
Vyhlídka nad Hrádkem